December 30, 2021
ᐊᓲᔪᓯ,
ᓄᑖᖅ ᐊᕐᕌᒍ ᓄᑖᒥᒃ ᐱᒋᐊᑦᑎᐊᕈᑎᒋᕙᕗᑦ ᐊᒻᒪᓗ ᓄᑖᒥᒃ ᓂᕆᐅᖕᓂᕐᒥᒃ ᖃᐅᑉᐸᒧᑦ.
ᑕᑯᓯᒪᕗᒍᑦ ᓂᕆᐅᓐᓂᕐᒥᒃ ᖃᐅᑕᒫᑦ.
ᐊᒃᓱᕈᓐᓇᓚᐅᕋᓗᐊᖅᑎᓪᓗᒍ ᐊᕐᕌᒍ, ᑲᓇᑕᒥᐅᑦ ᐊᔪᐃᓐᓇᕐᓂᕐᒥᖕᓂᒃ ᑕᑯᒃᓴᐅᑎᑦᑎᕗᑦ, ᓇᒡᓕᒍᓱᖕᓂᕐᒥᖕᓂᒃ ᐃᓕᑦᑐᕈᓐᓇᕐᓂᕐᒥᓪᓗ ᐊᑐᕈᓐᓇᖅᑕᒥᑎᒍᑦ.
ᑕᒪᒃᑯᐊ ᑲᓇᑕᒥᐅᑕᐃᑦ ᐃᖅᑲᓇᐃᔭᒃᑲᓂᕈᒪᓚᕿᐅᑎᒋᕙᒃᑕᒃᑲ ᐊᒃᓱᕈᒃᑲᓂᕐᓗᖓ, ᕿᓂᖏᓐᓇᕐᓗᖓ ᐊᑲᐅᓂᖅᓴᓂᑦ ᐃᑲᔪᖅᓯᒍᓐᓇᖅᑐᓂᑦ ᓄᓇᓕᑦᑎᓐᓂ ᕿᑐᕐᖓᑦᑎᓐᓂᓪᓗᓗ ᑲᔪᓯᑎᑦᑎᓗᑎᒃ.
ᐃᓄᒃᑎᑐᑦ, ᐃᓱᒪᒋᔭᐅᔪᖃᕐᒪᑦ ᑕᐃᔭᐅᔪᒥᒃ ᐊᔪᐃᓐᓇᑕ. ᑐᑭᖃᕋᓗᐊᖅᑎᓪᓗᒍ ᐱᓂᐊᕐᓂᕋᕐᓂᕐᒥᒃ, ᐊᖏᖅᓯᒪᓂᕐᒥᒃ, ᐊᑐᕈᓐᓇᕐᓂᕋᕐᓂᕐᒥᒃ, ᑐᑭᖃᕐᒪᑦ ᐊᒥᓱᓂᒃ−ᑐᑭᓯᓪᓗᑎᒍᓗ ᐊᐅᓚᔾᔭᒋᐊᕐᓂᒥᒃ.
ᑲᑐᔾᔨᓪᓗᑕ, ᐅᓇᑕᖅᑕᕗᑦ ᓄᕙᒡᓇᕐᔪᐊᖅ-19 ᖃᓂᒪᓐᓇᖅ ᑲᓱᐊᕈᑎᑎᒍᑦ ᐊᒻᒪᓗ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐊᑐᖅᑕᐅᖁᔭᖏᑎᒍᑦ.
ᑲᑐᔾᔨᓪᓗᑕ, ᐃᓱᒪᒋᔭᖃᖅᑐᒍᑦ ᓴᓇᑐᓂᒃᑯᑦ ᐊᒻᒪᓗ ᓄᑖᖑᔪᑎᒍᑦ ᐋᖅᑭᒍᑕᐅᒍᓐᓇᖅᑐᓄᑦ ᓄᓇᕐᔪᐊᕗᑦ ᐱᐅᓕᓂᐊᕋᑦᑎᒍᑦ.
ᑲᑐᔾᔨᓪᓗᑕ, ᐊᖅᑯᑎᖓᑕ ᐋᖅᑭᖃᑎᒌᖕᓂᐅᑉ ᐊᖅᑯᑎᖓᓂ ᐱᓱᒃᐳᒍᑦ, ᐃᓅᓯᕐᒥ ᒪᒥᓴᕐᓇᕐᒥ, ᐃᖅᑲᒌᖃᑦᑕᐅᑎᓪᓗᑕ ᑐᑭᓯᐊᖃᑦᑕᐅᑎᓪᓗᑕᓗ.
ᐊᐱᖅᑯᑎᖃᕋᐃᒐᑦᑕ ᐃᓱᒪᒃᓴᖅᓯᐅᕈᑕᐅᒍᓐᓇᓪᓚᕆᒃᑐᒥᒃ, ᖃᐅᔨᕙᒃᑐᒍᑦ ᑭᐅᔭᐅᒍᑎᑎᒍᑦ ᖃᓄᖅ ᑲᓇᑕ ᓈᒪᑦᑎᐊᕐᓗᓂ ᐊᒻᒪᓗ ᓄᓇᒥ ᐊᑐᕋᒃᓴᑎᒍᑦ ᒪᑭᒪᒍᓐᓇᕐᒪᖔᑦᑎᒍᑦ.
ᐊᕐᕌᒍ ᓄᑖᒥ ᖁᕕᐊᓱᒋᑦᑎ, ᑲᓇᑕ!